Braziliya terma jamoasining sobiq hujumchisi, hozirda Ispaniyaning «Valyadolid» klubi egasi bo'lgan Ronaldo 1997 yilda «Barselona»ni tark etgani haqida esladi.  «Ularda menejment bilan bog'liq juda eski muammo bor. Bu men uchun qattiq zarba bo'lgan. Men bu shaharni juda yaxshi ko'rganman.  Rivaldo, Ronaldino va Neymar ham yaxshi ketishmadi. Qarang, «Barselona» braziliyaliklar orqali qanday buyuk tarix yaratdi, lekin oxir-oqibat munosabatlar yomon tugadi», – deb yozadi Marca Ronaldo so'zlarini.  Ronaldo o'z faoliyati davomida «Kruzeyro», PSV, «Barselona», «Inter», «Real», «Milan» va «Korintians» klublarida o'ynagan. U kasbiy faoliyati davomida 735 ta o'yin o'tkazib, 512 ta gol urgan.