"Barselona" yarim himoyachisi Fermin Lopes jamoadagi holati haqida gapirdi.

21 yoshli ispaniyalik futbolchi hozircha "ko'k-anorranglilar"ning asosiy tarkibiga kira olmadi, ammo o'zini rotatsiyaning muhim o'yinchisi sifatida ko'rsatdi.

"Men doim tayyorman, mehnatkashman. Xavi, Deku va Flik bilan ishlash menga ishonch bag'ishladi - endi o'z futbolimni ko'rsata olaman, buning uchun ulardan juda minnatdorman. Men har doim soyada edim, o'zimni isbotlashim kerak edi. Yo'lim qiyin bo'ldi, ammo bu tajriba tufayli "Barsa"ning asosiy jamoasidagi o'rnimni yanada qadrlayman - men buni orzu qilganman," - deya Fermin Lopesning so'zlarini keltiradi Barca Universal.