"Barselona" markaziy himoyachisi Inigo Martines klubning yangi shartnoma bo'yicha taklifiga rozilik bildirdi.

Ispaniyalik "ko'k-anorranglilar" bilan 2026 yilning yarmigacha mo'ljallangan shartnoma imzolaydi. Mundo Deportivo xabariga ko'ra, tomonlar hamkorlik shartlarini to'liq kelishib olgan, biroq La Liga moliyaviy ahvol tufayli klubga bu haqda e'lon qilishga ruxsat bermagan. Shu tariqa, kelishuv faqat iyul oyida, mavsum yakunlangach, rasman tasdiqlanadi.

Inigo Martines joriy mavsumda Xans-Diter Flik jamoasi safida 30 ta o'yinda maydonga tushib, 2 ta gol va 4 ta golli uzatmani amalga oshirdi. May oyida futbolchi 34 yoshga to'ladi.