Lamin Yamal 2025/2026 yilgi mavsumda «Barselona» safida boshqa maydonga tushmaydi. Iqtidorli futbolchi bir necha kun oldin Ispaniya chempionati doirasidagi «Selta»ga qarshi o'yinda jarohat olgan edi.

AS nashrining xabar berishicha, Yamal jarohat olgan zahotiyoq yaqinlariga bu juda jiddiy bo'lishi mumkinligini aytgan. Biroq tibbiy ko'rik natijalari ma'lum bo'lgach, Lamin engil tin oldi — u JCh-2026 boshlanishiga qadar sog'ayib ulguradi.

Eslatib o'tamiz, Jahon chempionati 11 iyun kuni start oladi. Ispaniya terma jamoasi guruh bosqichida Kabo-Verde, Saudiya Arabistoni va Urugvay termalariga qarshi bahs olib boradi. Qayd etish lozimki, so'nggi uchta mundialda Ispaniya 1/8 finaldan uyog'iga o'ta olmagan.