"Barselona" 2025 yil boshidan beri yutqazmayapti.

Bugun Xans-Diter Flik jamoasi La Liganing 25-turida "Las-Palmas"ni mag'lub etib (2:0), qatorasiga 5-g'alabasini qo'lga kiritdi.

"Barselona" yil boshidan beri barcha turnirlarda biror marta mag'lub bo'lmagan - 2025 yilda kataloniyaliklar 11 ta o'yinda g'alaba qozonib, ikki marta durang o'ynagan.

"Barsa" La Ligada 25 turda 54 ochko to'plagan holda peshqadamlik qilmoqda. Keyingi o'yinda "blaugrana" Ispaniya kubogi yarim finalida "Atletiko"ga qarshi maydonga tushadi.