"Barselona" yozda Aleks Valeni sotish imkoniyatini ko'rib chiqishga tayyor.

20 yoshli himoyachi qishki transfer oynasida Sesk Fabregas bosh murabbiyligidagi "Komo"ga sotib olish huquqisiz ijaraga berilgan. Futbolchi mavsumning birinchi yarmini “Seltik”da ijara asosida o'tkazdi.

Diario Sport xabariga ko'ra, Italiya klubi va shaxsan Fabregas Valedan mamnun va yozda futbolchini sotib olishga tayyor.

"Barselona" sotilishiga qarshi emas, ammo ular o'z shogirdi uchun 8 million evroga yaqin olmoqchi.