"Barselona" hujumchisi Lionel Messi Ispaniya chempionati 10-turining qoldirilgan o'yini doirasida bo'lib o'tadigan "Real"ga qarshi o'yin borasida o'z fikrini bildirdi."Bu o'yinda bizga qarshi kuchli "Real" maydonga chiqishini kutyapman. "Klasiko" hamisha o'ziga xos ahamiyatga ega bo'lgan. Bu o'yinlarda jamoalarning jadvalda egallab turgan o'rni ahamiyatga ega bo'lmaydi. Hozir har ikki klub yaxshi formaga kirib oldi", - dedi Messi AS nashriga bergan intervyusida."Barselona" - "Real" uchrashuvi 18 dekabr kuni "Kamp Nou" stadionida bo'lib o'tadi. Bahs Toshkent vaqti bilan tungi soat 00:00da boshlanadi.