"Barselona" klubi va Ispaniya terma jamoasi yarimhimoyachisi Pedrining fikricha, futbolda qo'shimcha vaqtlar bekor qilinishi kerak.

Yakshanba kuni "qizil furiya" ikki o'yin natijasiga ko'ra 5:5 hisobida durang o'ynab, Niderlandiyani penaltilar seriyasida mag'lub etib, Millatlar ligasi yarim finaliga yo'l oldi. "Mestalya"dagi javob uchrashuvining asosiy vaqti 2:2 hisobida yakunlangan bo'lsa, qo'shimcha bo'limlarda jamoalar yana bittadan gol urishdi.

"Kechagi kabi o'yinlarda qo'shimcha bo'limlarni bekor qilish yaxshi qaror bo'lardi. Shu bilan birga, shaxsan men uchun doimiy tanaffuslardan ko'ra tez-tez o'yin o'tkazish yaxshiroq," - dedi Pedri Mundo Deportivo nashriga bergan intervyusida.