Ispaniyalik vinger “Atletik” Niko Uilyamsni yozgi transfer oynasida istalgan klub qanchaga sotib olishi mumkinligi ma'lum bo'ldi.

TEAMtalk xabariga ko'ra, Uilyamsning "Atletik" bilan shartnomasidagi tovon puli 58 million evroni tashkil qiladi. Manbaning qayd etishicha, futbolchiga Londonning “Arsenal” va “Real” klublari jiddiy qiziqish bildirmoqda.

Joriy mavsumda 22 yoshli ispaniyalik barcha turnirlarda 38 ta uchrashuvda maydonga tushib, 9 ta gol urdi va 7 ta golli uzatmani amalga oshirdi.