Xansi Flik boshchiligidagi “Barselona” jamoasi bugun Chempionlar Ligasi yarim finalida “Inter”ga mag'lub bo'lib, musobaqani tark etdi. Shu bilan kataloniyaliklar mavsumda to'rtta sovrin — kvadruplga erishish imkonidan mahrum bo'lishdi.

Avvalroq “Barsa” Ispaniya Kubogi va Superkubogini qo'lga kiritgandi. La Liganing yakunlanishiga to'rt tur qolgan bir paytda, jamoa “Real”dan to'rt ochkoga oldinda peshqadamlik qilmoqda.

Shu bilan birga, “Barselona” endi klassik trebl — milliy chempionat, mamlakat kubogi va Chempionlar Ligasida bir mavsumda g'alaba qozonish yutug'idan ham chetda qoldi.