“Barselona” bosh murabbiyi Xansi-Diter Flik jamoaning Chempionlar Ligasidan chiqib ketganidan so'ng o'z fikrlari bilan o'rtoqlashdi. Kataloniyaliklar yarim finalda “Inter”ga ikki o'yin natijasiga ko'ra 6:7 hisobida mag'lub bo'ldi. Javob uchrashuvi 120 daqiqa davom etdi.

“Biz bu natijani qabul qilishimiz kerak. “Inter” hujumchilari kuchli va tajribali. Bizda esa yosh jamoa bor va biz rivojlanishda davom etamiz. Asosiy vazifamiz — bu jamoani yanada kuchaytirish.

Himoyada ham, hujumda ham yaxshilanish imkoniyatlarimiz bor. Bugungi o'yindagi muhitni his qilar ekansan, bu erga yana qaytishni istaysan”, — dedi Flik matbuot anjumanida.