Braziliya terma jamoasining sobiq futbolchisi Marselo Braziliya terma jamoasi uchun hozirda eng muhim futbolchini tanladi. Vinisius va Rafinya o'rtasida tanlov qilganda, Marselo "Real Madrid" hujumchisini ustun qo'ydi.

"Vinisius - eng mukammal futbolchi" - dedi Marselo Goal bilan suhbatda.

Shu oyda Braziliya JCh-2026 saralashi doirasida Ekvador va Paragvayga qarshi o'yin o'tkazadi. Bu Karlo Anchelottining Braziliya terma jamoasi boshqaruvidagi ilk o'yinlari bo'ladi.

Eslatib o'tamiz, Braziliya hozirda KONMEBOL saralash turnirida to'rtinchi o'rinni egallab turibdi. "Selesao" hali keyingi jahon chempionati yo'llanmasini qo'lga kiritgani yo'q.