"Barselona" vingeri Lamin Yamal tez orada afsonaviy 10-raqamni oladiganga o'xshaydi.

Hozirda bu raqamga egalik qilayotgan Ansu Fati "Monako"ga o'tishga juda yaqin turibdi. Agar kutilmagan hodisa yuz bermasa, bu raqam tez orada bo'shaydi va "Barselona" yangi mavsumdan boshlab unda Yamal o'ynashiga qaror qilgan. Mundo Deportivo xabariga ko'ra, klub bu haqda 13 iyul kuni, futbolchi 18 yoshga to'lganida rasman e'lon qilishni rejalashtirmoqda.

Bungacha kataloniyaliklar safida 2021 yilda ketgan Lionel Messi o'ninchi raqam ostida to'p tepgandi.