"Barselona"ning sobiq bosh murabbiyi Ronald Kuman klubni janjal bilan tark etgandi. Niderlandiyalik 2021 yilning oktyabrida "ko'k-anorranglilar" boshqaruvidan bo'shatilgandi - shundan beri uning Kataloniya grandi prezidenti Joan Laporta bilan munosabatlari yaxshi emas. Diario Sport xabariga ko'ra, "Barselona" rahbari klubning afsonaviy sobiq futbolchisi bilan yarashishga umid qilmoqda. So'nggi bir necha kun ichida ular Kataloniya poytaxtida ikki marta uchrashishdi.

Ronald Kuman 2023 yil boshidan buyon Niderlandiya terma jamoasida ishlab kelmoqda. Joan Laporta 2021 yilning mart oyidan beri o'z lavozimida faoliyat olib bormoqda.

Kuman o'rniga "Barselona"da 2023/24 yilgi mavsum oxirigacha ishlagan Xavi Ernandes tayinlangandi.