15 iyulga qadar Ronald Arauxoni "Barselona"dan 65 million evroga sotib olish mumkin edi. Bu imkoniyatdan foydalanishni xohlovchilar topilmadi va urugvayliklarning tovon puli yana 1 milliardga ko'tarildi.

Transfer News Live nashrining El Nacional'ga tayanib xabar berishicha, "Barselona" hali ham Arauxoni sotishga tayyor. Kataloniyaliklar 40 million evrodan yuqori bo'lgan takliflarni ko'rib chiqishga tayyor. 26 yoshli Arauxoga Saudiya Arabistoni klublari qiziqish bildirmoqda. Shu bilan birga Ronaldning o'zi "Barselona"da qolishni istamoqda.

Ronald Arauxo "Barselona" safida jami 175 ta rasmiy o'yin o'tkazib, 10 ta gol urgan va sheriklariga 7 ta golli uzatmani amalga oshirgan.