"Barselona" markaziy himoyachisi Pau Kubarsi darvozabon Mark-Andre ter Shtegen haqida fikr bildirdi.

Bu yozda "ko'k-anorranglilar" rahbariyati tajribali darvozabondan qutulmoqchi edi. Nemis ketishdan bosh tortdi, ammo klubda uni asosiy o'yinchi sifatida ko'rishmayapti. Mish-mishlarga ko'ra, undan hatto sardorlik bog'ichini tortib olishlari mumkin.

"Ter Shtegen bizning sardorimiz bo'lib qoladi. U bu erda ko'p yillar o'tkazgan, katta tajribaga ega. U turli jabhalarda ulkan foyda keltirishi mumkin, chunki uning o'zi ko'p narsalarni boshdan kechirgan. Biz uchun u hamon birinchi raqamli futbolchi", - deya 18 yoshli Kubarsining so'zlarini keltiradi El Larguero.

Mark-Andre ter Shtegen 2014 yildan buyon "Barselona" sharafini himoya qilib kelmoqda.