Hujumchi Markus Reshford "Barselona"dagi mavsumoldi tayyorgarlik haqida fikr bildirdi.

Ma'lumki, kataloniyaliklar inglizni "Manchester Yunayted"dan sotib olish huquqi bilan ijaraga olgan edi.

"Bu erda juda katta yuklama bor. Buni tushuntirish qiyin, ammo mavsumoldi tayyorgarlik oson kechmadi. Har bir mashg'ulotdan keyin o'zimni juda charchagan his qildim, ob-havo ham ta'sir qildi. Yugurish qiyin emas, asosiysi - to'p bilan mashq qilish va doimiy darajani saqlab qolish. Shu ma'noda intensivlik murakkabroq," - dedi Reshford The Rest Is Football podkastida.

La Liganing 1-turida "Barselona" 16 avgust kuni "Malorka"ga qarshi bahs olib boradi.