Xans-Diter Flik futbolchilarni ro'yxatdan o'tkazish bilan bog'liq vaziyatdan noroziligini bildirdi.

16 avgust kuni Kataloniya klubi La Liga yangi mavsumining ilk o'yinini "Malorka"ga qarshi o'tkazadi.

Hozircha "Barselona" ushbu mavsum oralig'ida xarid qilingan Joan Garsiya va Markus Reshford, shuningdek, Voytsex Shesni, Jerar Martin, Ektor Fort, Mark Bernal, Oriol Romeu va Runi Bardjilarni ro'yxatdan o'tkazmadi.

"Vaziyat meni unchalik xursand qilmayapti. Ammo men klubga ishonaman. Ertagacha kutish kerak. O'tgan mavsumda ham shunday bo'lgandi. Biz hozircha qo'limizda bor narsaga e'tibor qaratmoqdamiz," - dedi "Barselona" bosh murabbiyi Xans-Diter Flik.