"Chelsi" hamon "Barselona" yarim himoyachisi Fermin Lopesni sotib olish fikridan qaytgani yo'q. Juma kuni londonliklar yana 22 yoshli futbolchining agentlari bilan to'g'ridan-to'g'ri bog'lanib, uning rejalari haqida so'rashdi.

"Barsa"da Lopesning qolishi taxmin qilinmoqda, ammo "ko'klar" hali taslim bo'lgani yo'q. Insayder Fabritsio Romanoning ta'kidlashicha, har ikki klub ham xavbekning kelajagi borasida yakuniy qarorga kelishini kutmoqda. Ispaniya OAVlari Fermin juma kuni vaziyatga oydinlik kiritish niyatida ekani haqida xabar berdi, biroq bunday bo'lmadi. Ehtimol, shanba kuni aniqroq ma'lumotlar paydo bo'ladi.

Fermin Lopesning Transfermarkt portalidagi narxi 50 mln evroga baholanmoqda.