Lamin Yamal "Barselona" shifoxonasiga tushib qoldi. Iste'dodli vinger La Liga doirasida "Valensiya"ga qarshi o'yinni o'tkazib yubordi va Chempionlar Ligasida "Nyukasl"ga qarshi o'ynamaydi.

Shanba kungi matbuot anjumanida "Barselona" ustozi Xans-Diter Flik Ispaniya terma jamoasini tanqid qildi. Nemis murabbiyi terma jamoadagilar sentyabr oyida Yamalga ko'p o'yin daqiqalari berganidan shikoyat qildi, garchi u futbolchining muammolari haqida bilgan bo'lsa ham.

Marca nashrining xabar berishicha, "Barselona" sport direktori Deku endilikda Ispaniya Qirollik futbol federatsiyasi texnik direktori Aitor Karanka bilan muzokara o'tkazmoqchi. Muzokaralardan maqsad - klub va terma jamoa o'rtasidagi aloqa protokollarini yaxshilash.