"Barselona" vingeri Markus Reshford Chempionlar Ligasi umumiy bosqichidan o'rin olgan "Nyukasl"ga qarshi bahsni asosiy tarkibda boshladi.

27 yoshli futbolchi Gari Linekerdan keyin "ko'k-anorranglilar" safida eng nufuzli evrokubokda o'ynashga muvaffaq bo'lgan tarixdagi ikkinchi angliyalik bo'ldi. Taniqli sobiq hujumchi 1986 yildan 1989 yilgacha Kataloniya grandi sharafini himoya qilgan.

"Barselona" o'tgan yozda Markus Reshfordni "Manchester Yunayted"dan ijaraga olgan va transferga sotib olish optsiyasini ham qo'shgan edi.