"Barselona" vingeri Markus Reshford uzoq vaqtdan buyon ilk bor Chempionlar Ligasida gol urdi. Angliyalik futbolchi "Nyukasl"ga qarshi o'yinda dubl qayd etdi: u 58-daqiqada hisobni ochgan bo'lsa, 67-daqiqada "ko'k-anorranglilar"ning "hakkalar"dan ustunligini oshirdi. Bu Reshfordning 2021 yil oktyabridan beri eng nufuzli evrokuboklardagi ilk gollari bo'ldi - o'shanda u "Manchester Yunayted" safida "Atalanta" darvozasiga to'p kiritgandi.

Umuman olganda, Markus Reshford faoliyati davomida Chempionlar Ligasida 38 ta o'yinda 14 ta gol urgan. Eslatib o'tamiz, 27 yoshli futbolchi hamon "Manchester Yunayted"ga tegishli, "Barsa"da esa ijara asosida o'ynaydi.