"Barselona" bosh murabbiyi Xans-Diter Flik La Liga doirasida "Xetafe"ga qarshi kechgan yirik g'alabadan (3:0) keyingi taassurotlari bilan o'rtoqlashdi.

"Ko'k-anorranglilar"ga uch ochkoni birinchi bo'limda ikki bor gol urgan Ferran Torresning dubli keltirdi. Uchinchi golga Dani Olmo mualliflik qildi.

"O'yinni nazorat qildik, yaxshi harakat qildik va g'alabaga erishdik. "Xetafe"ga gol urish har doim ham oson bo'lmagan, ammo biz buni uddaladik. So'nggi o'yinlarda ko'rsatgan o'yinlari uchun jamoadan minnatdorman. O'tgan yakshanba kuni o'ynadik, keyin Chempionlar Ligasida "Nyukasl" bilan qiyin o'yin o'tkazdik, bugungi bahs ham oson bo'lmasligi aniq edi. Uchala holatda ham haqli ravishda g'alaba qozondik, bundan juda xursandman," - deya Flikning so'zlarini keltiradi Barca Universal.

"Barselona" Ispaniya chempionati 5-turidan keyin 13 ochko bilan 2-o'rinda bormoqda.