"Barselona" yarim himoyachisi Fermin Lopes "Xetafe"ga qarshi bahsda jarohat oldi.

Uchrashuv yakshanba kuni La Liganing 5-turi doirasida bo'lib o'tdi. Lopes 60-daqiqada zaxiradan maydonga tushdi va o'yinni oxirigacha davom ettira oldi, ammo epizodlardan birida jarohat olgani taxmin qilinmoqda. Final hushtagidan so'ng 22 yoshli futbolchi ko'z yoshlarini tiya olmadi, bosh murabbiy Xans-Diter Flik uni tinchlantirdi. Ispaniyalik xavbekning jarohati qanchalik jiddiy ekani hozircha noma'lum.

"Barselona"ning "Xetafe" bilan uchrashuvi "ko'k-anorranglilar"ning ishonchli g'alabasi bilan yakunlandi - 3:0. Birinchi bo'limda Ferran Torres dubl qayd etgan bo'lsa, tanaffusdan keyin Dani Olmo yakuniy hisobni o'rnatdi.