"Barselona" bosh murabbiyi Xans-Diter Flik jarohatidan tiklanayotgan jamoa yarim himoyachisi Gavi haqida fikr bildirdi.

"Gavi - katta yurakka ega, yorqin hissiyotlarga to'la futbolchi. Bu jamoa uchun yashaydigan futbolchi va men uni o'z tarkibimda ko'rishdan xursandman. Biz uning qaytishini kutamiz. Gavining yo'qligi "Barselona" uchun oson sinov emas, chunki uning darajasi yuqori," - dedi Flik jurnalistlarga.

Gavi "Barselona" tarbiyalanuvchisi hisoblanadi. U joriy mavsum Ispaniya chempionatida ikkita o'yinda maydonga tushdi va bitta assist muallifi bo'ldi.

Gavi taxminan besh-olti haftadan keyin maydonga qaytishi kutilmoqda.