Ispaniya superkubogi musobaqasi mukofot jamg'armasi klublar o'rtasida qanday taqsimlanishi ma'lum bo'ldi. Turnir Saudiya Arabistonida o'tayotgani uchun Ispaniya qirollik futbol federatsiyasi shartnoma bo'yicha 40 million evro oladi. Klublar oladigan mukofot esa jamoalarning avvalgi yildagi ishtiroki, televizion huquqdan tushadigan daromad va translyatsiyalar reytingidan kelib chiqib taqismlanadi. 2024 yilda «Real» va «Barselona» klublari Ispaniya superkubogidagi ishtiroki uchun kamida 6 million evro olishi kafolatlangan. «Atletiko» taxminan 3 mln evroni qo'lga kiritsa, «Osasuna»ga 800 ming evro beriladi. Musobaqa g'olibiga yana 2 million evro, finalchiga esa 1 mln evro taqdim etiladi. Ispaniya superkubogi 10-14 yanvar kunlari Saudiya Arabistonida o'tkaziladi. Yarim finalda «Real» - «Atletiko» va «Barselona» – «Osasuna» uchrashuvlari belgilangan.