Yozgi transfer oynasida "Barselona" "Manchester Yunayted"dan hujumchi Markus Reshfordni ijaraga oldi. Qishda kataloniyaliklar "qizil iblislar"dan yana bir futbolchini ijaraga olishi mumkin.

Transfer News Live nashrining Fichajes nashriga tayanib xabar berishicha, "Barselona" yarim himoyachi Kobbi Maynuni ijaraga olish imkoniyatini ko'rib chiqmoqda. "Ko'k-anorranglilar" bu futbolchida Gavining qisqa muddatli o'rinbosarini ko'rishmoqda.

Eslatib o'tamiz, Gavi jarohati tufayli operatsiya qilindi. Tiklanish uchun futbolchiga to'rt-besh oy kerak bo'ladi. Optimal formaga xavbek bahorda qaytishi mumkin.

Avvalroq matbuotda Kobbi Maynuning muntazam o'yin amaliyotiga ega bo'ladigan jamoaga o'tish istagi haqida yozishgandi.