"Inter Mayami" yarim himoyachisi Serxio Buskets ijtimoiy tarmoqdagi sahifasida professional futboldan ketishini e'lon qildi.

"Hammaga va futbolga rahmat. Siz har doim bu ajoyib hikoyaning bir qismi bo'lib qolasiz," deb yozgan Buskets.

37 yoshli ispaniyalik futbolchining MLS klubi bilan mavsum oxirigacha amaldagi shartnomasi bor. Buskets 2023 yildan beri "Inter Mayami"da o'ynamoqda. Avvalroq u butun faoliyatini "Barselona"da o'tkazgan. Klublar miqyosida u barcha musobaqalarda 829 ta o'yin o'tkazib, 19 ta gol urgan va 62 ta golli uzatmani amalga oshirgan.