Madridning "Real" klubi darvozaboni Tibo Kurtua jamoaning "Barselona"ga qarshi o'yinlardagi omadsizliklariga chek qo'yishga umid qilmoqda.

O'tgan mavsumda "qaymoqranglilar" to'rtta "el-klasiko"ning barchasini yutqazishdi. Ulardan birinchisida o'sha paytda Karlo Anchelotti murabbiyligidagi jamoa "Santyago Bernabeu"da 0:4 hisobida imkoniyatni boy bergandi.

"O'tgan mavsumda g'alaba qozona olishimizga ishongandik va imkoniyatlarimiz bor edi, ammo 0:4 hisobida yutqazdik. Birinchi bo'limda hammasi boshqacha bo'lishi mumkin edi - bunday mayda-chuyda detallar bunday darajadagi o'yinlar taqdirini hal qiladi, ayniqsa "Barsa" bilan," - dedi Kurtua Chempionlar ligasida "Yuventus" ustidan qozonilgan g'alabadan keyin bergan intervyusida.