Frantsiyaning «Pari Sen-Jermen» klubi himoyachisi Ashraf Hakimiy yakshanba kuni Madriddagi «Santyago Bernabeu» stadionida bo'lib o'tgan «Real» — «Barselona» uchrashuvini tomosha qildi.

26 yoshli marokashlik futbolchi VIP-lojada o'yinni kuzatgan va bellashuvdan so'ng ijtimoiy tarmoqlarda u bilan bog'liq suratlar tarqaldi.

«El-klasiko»da «Real Madrid» g'alaba qozondi — uchrashuvdagi gollarini Kilian Mbappe va Jud Bellingem urdi (2:1).

Ashraf Xakimiy — «Real» akademiyasi tarbiyalanuvchisi. U asosiy jamoa tarkibidan mustahkam joy olishga muvaffaq bo'lmaganidan so'ng, 2020 yili klubni tark etib, «Inter» safiga yo'l olgan. 2021 yildan buyon esa u «PSJ» sharafini himoya qilib kelmoqda va o'tgan mavsumda jamoasi bilan Evropa Chempionlar ligasi g'olibi bo'lgan.