«Barselona» vingeri Markus Reshford La Liganing 11-turida «Elche»ga qarshi (3:1) bahsda uchrashuvning eng yaxshi o'yinchisi deb topildi.

28 yoshli angliyalik futbolchi 61-daqiqada jamoaning uchinchi golini urdi. Shu bilan birga, Reshford butun o'yin davomida raqib darvozasiga eng ko'p — 6 marta zarba berdi va 3 ta muvaffaqiyatli dribling amalga oshirdi.

«Ko'k-anorranglilar» safida yana ikki futbolchi — Lamin Yamal va Ferran Torres ham bittadan gol urdi.

Markus Reshfordning «Manchester Yunayted»dan ijara shartnomasi mavsum oxirigacha mo'ljallangan. Xabarlarga ko'ra, «Barselona» futbolchining o'yinidan mamnun va yozda uni to'liq sotib olish imkoniyatini ko'rib chiqmoqda.