«Barselona» bosh murabbiyi Xans-Diter Flik «Elche» ustidan 3:1 hisobida qozonilgan g'alabadan so'ng o'z fikrlarini bildirdi.

«Eng muhimi — biz g'alaba qozondik va uch ochko to'pladik. Bizda ko'p golli vaziyatlar bo'ldi, shuning uchun bu natijaga to'liq haqlimiz. Raqib to'pni o'z darvozasi yaqinidan qisqa uzatmalar orqali o'yinni boshlashni yoqtiradigan jamoa, va biz pressingda o'zimizni juda yaxshi ko'rsatdik.

To'pni nazorat qilish jihatidan hali ishlashimiz kerak, lekin g'alaba qo'lga kiritildi — men natijadan mamnunman», — dedi nemis mutaxassisi o'yindan so'ng jurnalistlar bilan suhbatda.

«Ko'k-anorranglilar» safidagi gollar Lamin Yamal, Ferran Torres va Markus Reshford hissasiga yozildi.