"Barselona" yarim himoyachisi Fermin Lopes Chempionlar Ligasi doirasida "Bryugge"ga qarshi o'yindagi durang (3:3) haqida fikr bildirdi.

"So'nggi paytlarda juda ko'p gol o'tkazib yuboryapmiz. Bu muammo deyarli har bir o'yinimizda bo'y ko'rsata boshladi. "Bryugge" uchta yaqqol imkoniyat yaratdi va uchta gol urdi. Oxirigacha kurashdik, afsuski, faqat durang. Bo'lib o'tgan voqeani tahlil qilish kerak. Futbolda har narsa bo'ladi, lekin biz takomillashishimiz kerak," - deb Fermin so'zlarini keltirmoqda Barca Universal.

Yakshanba kuni "ko'k-anorranglilar" La Liga doirasida "Selta" mehmoni bo'ladi.