Argentina terma jamoasi sardori Lionel Messi faoliyatining eng yaxshi yillarini o'tkazgan "Kamp Nou" stadioniga tashrif buyurdi. 38 yoshli futbolchi ijtimoiy tarmoq orqali o'z taassurotlari bilan o'rtoqlashar ekan, u hali ham sobiq jamoasiga nisbatan iliq his-tuyg'ularini saqlab turishini va bir kun kelib qaytishni orzu qilishini ta'kidladi.

"Barselona" afsonaviy futbolchining tashrifiga tabrik maktubini e'lon qilib, klub eshiklari Messi uchun doim ochiqligini tasdiqladi.

"Sen har doim uyingga xush kelibsiz, Leo", - deyiladi "Barselona" bayonotida.

Argentinalik futbolchi 2021 yilda “Barselona”ni tark etgan, so'ng 2023 yil yozida Amerikaning “Inter Mayami” klubiga o'tgunga qadar “PSJ”da o'ynagan.