"Atletik" klubi qanot hujumchisi Niko Uilyams "Barselona"dan uchralgan yirik mag'lubiyatdan so'ng o'z fikrlarini bildirib o'tdi.

Ispaniya La Ligasining 13-turi doirasida basklar "ko'k-anorranglilar"ga 0:4 hisobida yutqazdi. Mazkur bahs "Kamp Nou"da bo'lib o'tdi.

"Barselona" "Kamp Nou"ga qaytdi, go'yo uni hech qachon tark etmagandek... To'rtta gol o'tkazib mag'lub bo'lish og'riqli bo'ldi, chunki nafas rostlash uchun bir daqiqa ham vaqtimiz bo'lmadi. "Kamp Nou"dagi muhit chindan ham dahshatli edi", - dedi Uilyams jurnalistlarga.

Ispaniya chempionatining navbatdagi turida "Barselona" o'z maydonida "Alaves"ni qabul qilsa, "Atletik" safarda "Levante" bilan kuch sinashadi.