Madridning "Real" klubi sobiq yarimhimoyachisi Toni Kroos zamonaviy futboldagi asosiy iste'dod egasini aytdi. Mashhur germaniyalik sobiq futbolchining tanlovi "Barselona" sharafini himoya qilayotgan 18 yoshli vinger Lamin Yamalga tushdi.

"Yamal - bugungi kunda futboldagi asosiy iste'dod", - deya 2024 yilda faoliyatini yakunlagan Kroosning so'zlarini keltiradi The Touchline.

Ispaniyalik yosh futbolchi "Oltin to'p-2025" so'rovnomasida faqat "PSJ" vakili Usmon Dembeledan ortda qolib, ikkinchi o'rinni egalladi. Joriy mavsumda Yamal "ko'k-anorranglilar" safida 13 ta o'yinda maydonga tushib, 6 ta gol va 8 ta assistni o'z hisobiga yozdirib qo'ydi.