Madridning "Atletiko" klubi bosh murabbiyi Diego Simeonening fikricha, uning jamoasi "Barselona"ga qarshi o'yinda ko'prog'iga loyiq edi.

"O'tgan mavsumda "Barsa"ni 2:1 hisobida mag'lub etgan edik, ammo o'shanda raqib 5:2 hisobida g'alaba qozonishga loyiq edi. Bugun 1:3 hisobida yutqazdik, ammo durang o'ynash yoki hatto g'alaba qozonish uchun etarlicha imkoniyatlarga ega bo'ldik", - dedi Simeone matbuot anjumanida.

"Barselona" 37 ochko bilan 1-o'rinda bormoqda. Keyingi o'rinlarda Madridning "Real" (33), "Vilyarreal" (32) va "Atletiko" (31) klublari bormoqda.