"Barselona" prezidenti Joan Laporta himoyachi Erik Garsiya bilan shartnoma uzaytirilganini ma'lum qildi. Kataloniya grandi rahbarining so'zlariga ko'ra, 24 yoshli futbolchi bilan shartnoma keyingi haftadayoq rasmiylashtiriladi.

"Erik Garsiya shartnomani uzaytirdi. Kelasi payshanba, 11 dekabr kuni biz uning yangi kelishuvini taqdim etamiz", - deya Laportaning so'zlarini keltiradi ispan OAV.

Garsiyaning "ko'k-anorranglilar" bilan amaldagi shartnomasi joriy mavsum yakunlangach o'z nihoyasiga etadi.

Joriy mavsumda ispaniyalik futbolchi Hans-Diter Flik jamoasining 20ta o'yinida qatnashib, bittadan gol va assist muallifi bo'ldi.