"Barselona" markaziy himoyachisi Erik Garsiya klub bilan shartnomasini uzaytirdi. Ispaniyalik futbolchining avvalgi kelishuvi joriy mavsum yakunida o'z nihoyasiga etadigan bo'lsa, yangisi 2031 yilning yarmigacha mo'ljallangan.

"Erik bilan shartnomani uzaytirish - ajoyib yangilik. Uning jamoadagi mavqei juda o'zgardi. U bor-yo'g'i 24 yoshda, u katta foyda keltiradi va hech qachon hech narsadan shikoyat qilmaydi", - deya "ko'k-anorranglilar" sport direktori Dekuning so'zlarini keltiradi Barca Universal.

Garsiya 2021 yilda "Barselona"ga qaytdi. Joriy mavsumda futbolchi Hans-Diter Flik jamoasi safida barcha musobaqalarda 20 ta o'yinda maydonga tushib, bittadan gol va assist qayd etgan.