Shanba kuni "Barselona" o'z maydonida "Osasuna"ni mag'lub etib (2:0), Madridning "Real" klubi bilan oradagi farqni 7 ochkoga etkazdi.

"Qaymoqranglilar" o'z o'yinini yakshanba kuni "Alaves"ga qarshi o'tkazadi. Ushbu o'yin Xabi Alonso uchun "qirollik klubi" bosh murabbiyi sifatidagi so'nggisi bo'lishi mumkin - u qoniqarsiz natijalar tufayli iste'foga chiqarilishi mumkin.

"Barselona"ning kechagi uchrashuvi davomida "Kamp Nou" tomoshabinlari bir necha bor "Xabi, qol" deya masxaraomuz qichqirishdi.

Alonso "Real"dagi lavozimini yarim yildan sal ko'proq vaqt oldin - iyun oyida egallagan edi. U Braziliya terma jamoasini qabul qilib olgan Karlo Anchelotti o'rnini egalladi.