"Barselona" yakshanba kuni 3 ochko jamg'arib, muxlislarini xursand qildi. "Vilyarreal" mehmoni bo'lgan Xans-Diter Flik shogirdlari 2:0 hisobida g'alaba qozondi. Gollarga Rafinya (penaltidan) va Lamin Yamal mualliflik qildi.

Natijada "Barselona" 2-o'rindagi "Real" bilan 4 ochkolik farqni tikladi. Kataloniyaliklarning hisobida 46, madridliklarda esa 42 ochko bor.

"Barselona" va "Real" futbolchilari Yangi yilni aynan shunday ko'rsatkichlar bilan kutib olishadi. Ikkala jamoa ham La Liga doirasidagi navbatdagi o'yinlarini 2026 yilning boshida o'tkazadi.

Ispaniyaning amaldagi chempioni "Barselona" hisoblanadi.