"Barselona" yarim himoyachisi Pedri Ispaniya va Angliya futbolining qarama-qarshiligi haqida gapirdi.

"Biz hech qanday farq yo'qligini ko'p marta isbotladik. Futbol - davriy sport turi, tez orada hammasi yana o'zgaradi," - deya "ko'k-anorranglilar"ning 23 yoshli yulduzi so'zlarini keltiradi ispan OAV.

O'tgan oy oxirida "Barselona" Chempionlar Ligasi safar o'yinida "Chelsi"ga yirik hisobda yutqazgandi (0:3). Evropaning eng nufuzli musobaqasining avvalgi mavsumida Xans-Diter Flik jamoasi yarim finalga qadar etib borib, Milanning "Inter" klubiga mag'lub bo'lgandi.

Kataloniya grandining keyingi o'yini 3 yanvar kuni La Liga doirasida bo'lib o'tadi - raqib "Espanol".