Niderlandiyalik mashhur sobiq futbolchi Marko van Basten bugungi kunda dunyoning eng yaxshi futbolchisi kim ekanini aytdi.

Sobiq hujumchi "Barselona"ning 18 yoshli vingeri Lamin Yamalni e'tirof etdi.

"Shubhasiz, Yamal ayni damda dunyoning eng yaxshi futbolchisi. Umid qilamanki, biz uning o'yinidan imkon qadar uzoqroq zavq olamiz," - deya 61 yoshli niderlandiyalikning so'zlarini keltiradi Barca Universal.

"Ko'k-anorranglilar"ning yosh yulduzi Xans-Diter Flik jamoasi safida joriy mavsumda 20 ta bahsda 9 ta gol urdi va 11 ta golli uzatmani amalga oshirdi. "Oltin to'p-2025" uchun kurashda ispaniyalik "PSJ" vakili Usmon Dembeledan keyin ikkinchi o'rinni egalladi.