"Barselona" bosh murabbiyi Xans-Diter Flik o'z faoliyati haqida fikr bildirdi.

Germaniyalik mutaxassis "ko'k-anorranglilar" boshqaruvida ikkinchi mavsumni o'tkazmoqda. O'tgan mavsumda kataloniyaliklar ichki musobaqalardagi barcha sovrinlarni qo'lga kiritgandi.

"Barselona" meni butunlay o'zgartirib yubordi. Men bu klubni va u bilan bog'liq odamlarni yaxshi ko'raman. Bizning vazifamiz - futbolchilar rivojlanishi uchun to'g'ri muhit yaratish. Men aynan shunga e'tibor qarataman. Jamoa muxlislarga stadionga qayta-qayta kelish, har bir o'yinni intiqlik bilan kutish imkonini beradi," - deya Flikning so'zlarini keltiradi Managing Barca.

Ayni damda "Barselona" La Liga turnir jadvalida "Real"ni 4 ochkoga ortda qoldirib, peshqadamlik qilmoqda.