"Barselona" prezidenti Joan Laporta Rafinyaning Ispaniya Superkubogi finalidagi o'yinini olqishladi.

Ispaniya Superkubogida "Barselona" finalda "Real"ni 3:2 hisobida mag'lub etdi. Rafinya dubl qayd etdi va uchrashuvning eng yaxshi futbolchisi deb topildi.

"U dubl qayd etdi va yana bir gol urishi mumkin edi. U o'yin sur'ati va shiddatini belgilaydi. Ammo bu jamoaviy ish, biz bitta o'yinchini ajratmaymiz, chunki bizda juda ahil jamoa bor, ular jamoaviy ruhda o'ynashadi, juda yaxshi tayyorgarlik ko'rishgan.

Menga oxirida Arauxo maydonga tushganida unga nima qilishgani yoqdi. U qaytib keldi, biz bunga xotirjam qaraymiz, lekin men uning hayajonlanganini va baxtli ekanini ko'rdim", - dedi Laporta Movistar’ga bergan intervyusida.