"Real" darvozaboni Tibo Kurtua jamoasining "Barselona"ga qarshi o'yindagi mag'lubiyatiga izoh berdi. Jamoalar Ispaniya Superkubogi finalida to'qnash kelishdi. Kataloniyaliklar madridliklarni 3:2 hisobida mag'lub etdi.

"Printsipial raqibga finalda yutqazish har doim yoqimsiz. Hozir bor e'tiborimizni ishga qaratib, Kubok va La Liga haqida o'ylashimiz muhim. Bu o'yinda ko'p narsa bizning foydamizga hal bo'lmadi - bunday davr bir necha oydan beri davom etmoqda.

Birinchi bo'limda juda past chiziqda himoyalandik, tanaffusdan keyin esa raqib biroz ortga chekindi. Bizda yaxshi vaziyatlar bo'ldi, ammo to'p darvozaga kirmadi," - dedi Kurtua.