"Barselona" Ispaniya kubogi 1/8 finalidan o'rin olgan "Rasing"ga qarshi o'yinda chempionlik yo'lagidan yuradi.

Santander jamoasi "ko'k-anorranglilar"ni 15 yanvar, payshanba kuni o'z uyida qabul qiladi. Diario Sport nashri tarqatgan xabarga ko'ra, uchrashuv oldidan "Rasing" futbolchilari kataloniyaliklarning Ispaniya Superkubogidagi g'alabasi sharafiga "Barselona"ga chempionlik yo'lagini tashkil etishadi. Segundaning amaldagi etakchisi turnirda ishtirok etmadi, ammo an'anadan voz kechmaydi.

Eslatib o'tamiz, Xans-Diter Flik jamoasi Superkubok finalida Madridning "Real" klubini mag'lub etgandi (3:2). "El klasiko" yakunlangach, madridliklar printsipial raqibga chempionlik yo'lagini taqdim etishdan bosh tortdi.