La Liga prezidenti Xaver Tebas "Atletik" futbolchisi Inyaki Uilyamsning Ispaniya Superkubogini mamlakat tashqarisida o'tkazmaslik kerakligi haqidagi so'zlariga munosabat bildirdi. So'nggi paytlarda turnir o'yinlari Saudiya Arabistonida bo'lib o'tmoqda.

"Uilyamsning aytganlari Superkubokning Ispaniya maydonlariga qaytishiga sabab bo'lmaydi. Superkubok Ispaniya futboli uchun juda muhim daromad keltiradi, nafaqat o'ynaydigan klublar uchun", - deya Tebasning so'zlarini keltiradi Marca.

Superkubokning amaldagi g'olibi "Barselona" bo'lib, u joriy yilning 11 yanvar kuni finalda Madridning "Real" klubini mag'lub etgandi - 3:2.