«Barselona» hujumchisi Robert Levandovski Chempionlar ligasida ketma-ket 16-mavsumda gol urishga muvaffaq bo'ldi. Ushbu ko'rsatkich bo'yicha polshalik futbolchi Krishtianu Ronaldu, Rayan Giggz, Raul hamda Tomas Myullerga tenglashib oldi. Bu haqda MisterChip X ijtimoiy tarmog'idagi shaxsiy sahifasida xabar berdi.Chempionlar ligasida gol urilgan mavsumlar soni bo'yicha faqat Lionel Messi va Karim Benzema oldinda — ikkalasi ham 18 tadan.Levandovski Chempionlar ligasi umumiy bosqichi 7-turida «Slaviya»ga qarshi uchrashuvda (4:2) gol muallifi bo'ldi.Robert Levandovski 2022 yildan buyon «Barselona» safida to'p surib kelmoqda. Futbolchining klub bilan shartnomasi 2026 yilga qadar mo'ljallangan. Joriy mavsumda u barcha musobaqalarda 23 ta uchrashuvda maydonga tushib, 11 ta gol va 2 ta golli uzatma muallifi bo'ldi.