"Barselona" yarim himoyachisi Mark Kasado boshqa klublar qiziqish bildirayotgani haqidagi ma'lumotlarga izoh berdi.

So'nggi vaqtlarda OAVda 22 yoshli futbolchi muntazam o'yin amaliyotiga ega bo'lmagani uchun klubni tark etishi mumkinligi haqida tez-tez xabarlar tarqalmoqda. Ispaniyalik futbolchiga da'vogarlar orasida Madridning "Atletiko", "Manchester Yunayted" va "Galatasaroy" klublari bor edi.

"Men hech qachon taslim bo'lmayman. "Barselona"ga foyda keltira olishimga ishonaman. Jamoadoshlarimga yordam berishga doim tayyorman. "Barsa"da o'ynash - bolalikdagi orzum, hozir ham shu orzu bilan yashayapman," - deya Kasadoning so'zlarini keltiradi Barca Universal.